ماريد بعدك بعد روح

انا ما اكدر اكلك لا تروح
روح الله وياك انا امتاني

بنفس درب الي مشيته انطر تعود
شجره انة ايصير انسه اغصاني.؟

جرحك بروحي اشحلاته اشما يطول
اجرح بسجينة و هاك الثاني

لكن احجاية ضمير اسمعها زين
صعبه حيل انساك وانت تنساني

انت من طين البشر ربك بناك
وانه هم مثلك بشر سواني

لكن المقياس بالحب والوفاء
ومو نكر للذات لو تهواني

عمي ماريدك تحبني بليه روح
انا ما ريدك خشب سجاني

روح وامشي وعاين دروب الحياة
ومن ترد مفتوحه لك بيباني

انا طبعي من النهر ماخذة دروس
يعني استاذة بحظرتك اني

وانه ايدي امكطعه وناطوري مات
وليلي باع انجومه كلها وجاني

وانت جاي تريد تمشي بلا وداع
عمي روح اشضل بعد شتاني

هيه كلها اتراكمت ضلت عليك
كافي راح اسكت وخيط اللساني

يسلمو على الكلمات الحلوة
عاشت الايادي

منورة